Ótrúlegt sjónarspil

Fór að gosstöðvunum sl. föstudag, þetta var ótrúlega skemmtilleg upplifun.
Það verður forvitnilegt að fylgjast með þróun gossins og áhrifa þess á umhverfið á þessu fallega svæði. Hér er slóð á myndasíðu fyrir þá sem eru forfallaðir í gosmyndir...

http://www.pbase.com/bragason/eldgos

 

 


mbl.is Nýr hraunfoss í Hrunagili
Tilkynna um óviðeigandi tengingu við frétt

Undarleg yfirlýsing Kolbrúnar

Ég hef talið frá því að kosningabaráttan hófst að frambjóðendur vinstri grænna munu tala af sér fylgið.  Kolbrún Halldórsdóttir gerði tilraun til þess í kvöldfréttum Stöðvar 2.  Hún sagði að vinstri græn væru á móti olíuleit á Drekasvæðinu. Skömmu síðar sendir framboðið út fréttatilkynningu og áréttar að flokkurinn hefur ekki lagst gegn olíuleit á Drekasvæðinu.


ESB kosningar 2010

Stefnuyfirlýsing Vinstrihreyfingarinnar - græns framboðs var samþykkt á stofnfundinum, 6. febrúar 1999. Samskipti við Evrópusambandið ber að þróa í átt til samninga um viðskipti og samvinnu, m.a. á sviði menntamála, vinnumarkaðsmála og umhverfismála. Hugsanlegur ávinningur af aðild Íslands að Evrópusambandinu réttlætir ekki frekara framsal á ákvörðunarrétti um málefni íslensku þjóðarinnar og er aðild að Evrópusambandinu því hafnað. Hagsmunir fjármagns og heimsfyrirtækja eru í alltof ríkum mæli drifkraftar Evrópusamrunans, miðstýring, skrifræði og skortur á lýðræði einkennir stofnanir þess um of.

10 árum seinna, úr ályktun 2009. Vinstrihreyfingin – grænt framboð telur nú sem fyrr að hagsmunum Íslands sé best borgið utan Evrópusambandsins.  Sjálfsagt er og brýnt að fram fari opin og lýðræðisleg umræða um samskipti Íslands og sambandsins. Landsfundur VG leggur áherslu á að aðild íslands að ESB eigi að leiða til lykta í þjóðaratkvæðagreiðslu. Landsfundur telur mikilvægt að fyrirkomulag þjóðaratkvæðagreiðslu fái rækilega umræðu og að hliðsjón verði höfð af væntanlegum stjórnarskrábreytingum og hvað eðlilegt getur talist þegar afdrifaríkar ákvarðanir eru teknar um framsal og fullveldi.

Snjallt hjá Vinstri Grænum en með þessari ályktun eru þeir búnir að tryggja sér forsætisráðherrastólinn eftir næstu alþingiskosningar. Árið 1991 fékk Davíð Oddsson forsætisráðherrastólinn en Jón Baldvin EES samninginn. Árið 2009 mun Steingrímur J. Sigfússon fá forsætisráðherrastólinn í ríkisstjórn með Samfylkingunni og fallast jafnframt á að fara í umræður um ESB aðild. 

Snemma árs 2010 verður kosið um aðild að Evrópusambandinu í þjóðaratkvæðagreiðslu.


Ingibjörg hættir....

Það er ljóst að mikill meirihluti Samfylkingarfólks treysti Ingibjörgu til að leiða flokkinn á vit betri tíma fyrir íslenska þjóð. Ég tel að brotthvarf hennar komi ekki til af pólitískum þrýstingi frá flokksmönnum eins og haldið var fram í kvöldfréttum á RÚV. Heldur raunsætt mat Ingibjargar á stöðinni. Allt bendir til þess að Dagur B. Eggertson verði næsti formaður Samfyllkingarinnar en Jóhanna áfram forsætisráðherraefni. Að vísu má búast við einhverri ókyrrð, það eru ávallt  til draugar sem þurfa stöðugt að minna á sig, pólitískar afturgöngur, gamlar og nýjar.


mbl.is Ingibjörg Sólrún hættir
Tilkynna um óviðeigandi tengingu við frétt

Ballið er búið, ljósin kveikt ....

Dagar Geirs á forsætisráðherrastóli eru taldir, sætasta stelpan segir honum upp eftir landsfund ef ekki fyrr.

Hvernig mun Sjálfstæðisflokkurinn ná vopnum fyrir næstu kosningar? Hvernig mun landsfundurinn taka á Evrópumálunum? Verður kosinn nýr formaður?

Á þessum tímamótum óska ég eftir þjóðstjórn, það þarf að skapa sátt í samfélaginu. Við gerum það ekki með því að draga Framsóknarflokkinn, VG eða Samfylkinguna að borðinu.


Að fljóta sofandi að feigðarósi...

Eftir landsfund Sjálfstæðisflokksins mun Samfylkingin slíta samstarfinu og það verður boðað til kosninga. Það er ekkert annað í sjónmáli. Kjósendur Samfylkingarinnar munu aldrei fyrirgefa forystunni það að láta Sjálfstæðisflokkinn sitja á þessum örlaga tímum.  
mbl.is Skúli Helgason: Krafa um breytingar á rétt á sér
Tilkynna um óviðeigandi tengingu við frétt

Engin átylla ...

Sjálfstæðismönnum finnst líklega athyglisvert að Samfylkingin þurfi ekki að leita að átyllu til að slíta stjórnarsamstarfinu. Ingibjörg Sólrún sagði í fréttum á RÚV í kvöld að nægar ástæður væru til þess, aðrar en ágreiningur um Evrópumálin.  Fréttamaðurinn hefði mátt spyrja hana nánar um þessar ástæður.

Ingibjörg er að svara Geir..

Geir var líklega að reyna að miðla málum í sínum flokki með því að lofa kosningum um umsóknaraðild. Ingibjörg er að svara útspili Geirs.  Hatrammar kosningar verða fljótlega á næsta ári. Geir virðist vera patt.

Eftir því sem ráðamenn þrjóskast við að sýna ábyrgð þá eykst andstaða við EB aðild. Hvernig eiga ráðamenn sem eru rúnir trausti þjóðarinnar að geta leitt hana í EB. Ýmsir munu taka afstöðu gegn ráðamönnum og fella EB aðild á þeim forsendum.


mbl.is Alþingiskosningar samhliða
Tilkynna um óviðeigandi tengingu við frétt

Óákveðnir og auðir ?

Það vantar klárlega upplýsingar í þessa frétt, hversu stórt var úrtakið og hlutfall þeirra sem skila auðu eða neita að svara?


mbl.is Ríkisstjórnin nýtur stuðnings 36% kjósenda
Tilkynna um óviðeigandi tengingu við frétt

Neyðarkall

Fór í bæinn að í gær til að fylgjast með félögunum sem tóku þátt í Gamlárshlaupi ÍR. Frábær þátttaka var í hlaupinu og mikil stemming. Á heimleið átti ég leið um Arnarhól og sá þá hvar hópur mótmælanda var búinn að kveikja á neyðarblysum fyrir utan stjórnarráðið. Ég get vart séð hvernig ríkisstjórnin ætlar sér að vinna sig út úr þessari alvarlegu stöðu. Með hverjum degi sem líður mun ástandið versna. Ráðamenn verða að vísa veginn og sýna ábyrgð í verki. Álitið sem umboðsmaður Alþingis sendi frá sér er ekki til þess fallið að efla trú manna á ráðherrum þessa lands.  

31.des_2008


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband